الاثنين، 29 يونيو 2009

كلنا عايشين بندور على الحب
ساعات نحس ان احنا لاقيناه
وساعات تانية نحس انه مش موجود اصلا
فمنتعبش نفسنا و ندور عليه علشان في الاخر
هنكون ضيعنا عمرنا واحنا بندور على حاجة مش موجودة اصلا
لو حبينا بنتعذب
ولو محبيناش بردوا بنتعذب
بس نعمل ايه
احنا غاويين عذاب
بنحب النكد وندور عليه
ولو محدش نكد علينا
ننكد على نفسنا
مفيش حد فينا محسش في يوم انه حب
ولا في حد فينا محسش بعذاب الحب
الحب احساس جميل
الحب قوة
و ضعف
كرامة
وتنازل
خوف
وأمان
شوق
وعتب
جرح
و دوا
الحب وحده هو اللي يقدر يجمع المتناقضات
والحب وحده يقدر يجمع اتنين ميشبهوش بعض في حاجة
بس بيتفقوا على انهم بيحبوا بعض
منقدرش نعيش من غيره
وبنتعذب واحنا عايشين بيه
بس حنحب
وحنفضل نحب